Сўнгги янгиликлар
Мирзиёев Имомали Раҳмон билан икки томонлама учрашув ўтказди
Туркия 2025 йилда туризмдан 65 миллиард доллар даромад олишни режалаштирмоқда
Тарихда илк бор инсонга чўчқа жигари кўчириб ўтказилди
Президент Шавкат Мирзиёев Ўзбекистон халқига Рамазон ҳайити муносабати билан табрик йўллади
«Ўзбекгидроэнерго» янги лойиҳалари учун қарийб 1 млрд доллар инвестиция йўналтирилди
Бош прокуратура Пискентдаги қамоқхонада маҳбус қийноққа солингани юзасидан расмий изоҳ берди
Полшада уруш эҳтимолига «тревога рюкзаклари» сотилмоқда
Ўзбекистонда бозор хизматлари ҳажми 136 триллион сўмга етди
Хоразмда зўрланган қизлар ҳақиқати: Мансабдорлар ғамхўрлиги учун «постель» сўраган!
Хоразмда икки мансабдор – собиқ вилоят адлия бошқармаси бошлиғи А.М ҳамда Янгиариқ тумани ФВБ раҳбари А.К 10 ой давомида оилавий меҳрибонлик уйидаги 15-17 ёшли қизлар билан жинсий алоқа қилиб келган.
Қизларни меҳрибонлик уйи мудираси жирканчликка мажбурлаб келган. Мудира 5 йилга озодликдан маҳрум қилинган бўлса, лекин икки мансабдорга 1,5 йиллик озодликни чеклаш жазоси тайинланган.
Effect.uz мухбири Динара Қурбонбоева Урганчда қизлар истиқомат қиладиган уйда бўлиб, улар билан суҳбатлашди.
Қизларнинг айтишича, нафси бузуқ мансабдорлар меҳрибонлик уйига келиб турган. Собиқ мудира Ю.Х улар билан яхши алоқада бўлиб, қизларни “постель”га киришга ундаган.
“Улардан бири бизга 250 минг сўмлик кроссовка олиб берди. Бундан ташқари, турли ғамхўрликлар қилишди, мудира эса бунинг эвазига улар билан ётоқда бўлишга мажбурлади. Агар жинсий алоқага киришмасак, мудира бизни оч қолдирар эди. Шундай кунлар ҳам бўлди. Аҳволимиз оғир, Президентдан ёрдам сўраймиз. Улар қандай қилиб озодликда юриши мумкин? Қўрқув ва хавотирдамиз, бизга ёрдам беринглар”, дейди жабрланган қизлардан бири.
Таъкидланишича, мансабдорлар уларни доимий равишда қўрқитиб келган. Агар таклифга розилик берилмаса, қизлар оч қолдирилган. Бундан ташқари, уларга нисбатан турли равишда босимлар доим бўлиб келган.
«Хайрия эвазига жинсий алоқага мажбурлашди. Агар рад қилсак, овқат бермасдан жазоланар эдик. Мажбур бўлганмиз! «Бировга айтсанг ҳеч нарсани исботлай олмайсан» деб қўрқитишган.
«Орқамда кучли одамлар бор», дейишарди. Мактабимиз директоридан ёрдам сўраганмиз, Ички ишлар ходимлари орқали нажот топдик. Мудирамиз бизнинг ҳаётимизни барбод қилди. Биз бу ишларга рози бўлмаганмиз, бўлмаса мурожаат қилмаган бўлардик. Адолатли ҳукм бўлишини истаймиз», дейди жабрланган қизлардан бири.
Маълумот ўрнида, Саида Мирзиёева 2 апрель куни жабрланган уч нафар қизнинг хавфсизлиги таъминланаётганини маълум қилди.
“Уларнинг хавфсизлиги, руҳий ва жисмоний тикланиши ҳозирда устувор масала. Шу билан бир вақтда бу каби вазиятларда ҳаракат қилиш ва, энг асосийси, уларнинг олдини олиш тизимини яратиш устида ишлашимиз керак.
Қонунларни қатъийлаштириш ва зўравонликка мутлақ тоқатсизлик нормаларини яратиш вақти келди. Барча даражаларда.
Бу вазиятда менга умид бағишлайдиган бирдан-бир жиҳат борки, у ҳам бўлса ошкоралик ва фуқаролик жамиятининг овози. Эҳтимол, бусиз атрофда бўлаётган воқелардан ожизларча бехабар бўлиб қолардик”, дея ёзган Мирзиёева.
